Комората на сметководители дава конкретна поддршка на УЈП за реализација на сите аспекти на проектот за ставање во функција на системот “Е-фактура” во Македонија, пред се во насока на автоматизација на деловните процеси Управата и кај даночните обврзници, преку практични предлози за зголемување на функционалноста на системот.

Комората секако ги поддржува сите иницијативи кои имаат за цел автоматизација, дигитализација и намалување на работниот товар кај колегите сметководители. Сметаме дека крајна цел  на еден ваков систем треба да е добивање на претпополнета предлог ДДВ пријава во системот е-даноци и можност за електронско преземање на групни податоци за автоматска сметководствена евиденција.

Истовремено, би сакале да ја потсетиме јавноста дека креирањето на каква било документација (било да е хартиена или електронска) никогаш не била и не е во доменот на основните обврски на колегите сметководители.

Комората ги потсетува сите колеги да се фокусираат на нивните обврски за точна финансиска и даночна евиденција на настаните врз основа на предадената финансиска документација и да се обидат да ги автоматизираат повторливите процеси така што ќе обезбедат поголема ефикасност при извршување на рутинските задачи, што ќе остави повеќе време за комплексните анализи, контроли и проверки поврзани со поголеми ризици работењето.

Конкретно, во врска со системот е-фактура, комората на сметководители во насока на:

  • подобрување на функционалноста на системот за е-фактура на кој моментално се работи,
  • зголемување на ефикасноста при работењето на Управата и колегите сметководители и овластени сметководители,
  • подобрување на наплатата на даноците, генерално,
  • елиминирање на шансите за грешки поради внес на повторливи податоци,
  • постигнување на поголемо ниво на автоматизација на процесите како главна придобивка од дигитализацијата,
  • дополнително се намалува можноста за некомплетно, неажурно и нецелосно внесување на податоци при даночното известување заради непредавање на комплетна или предавање нанекоплтена, неточна, неажурирана или неверодостојна документација од страна на даночните обврзници кон сметководителите и овластените сметководители.

го дава следниот предлог: Системот е-даноци да дава периодичен (месечен) збирен извештај во вообичаен „excel“ формат за сите фактури и останатите типови на документи кои ќе се изготвуваат во системот, кој ќе може да биде симант од корисниците на системот кои ќе бидат овластени за тоа, во кој:

  • Секоја ф-ра ќе биде во посебен ред;
  • Колоните ќе содржат податоци за:
    • Број на ф-ра;
    • Дата на промет;
    • Валута (доспевање);
    • Коминтент (посебни колони за назив, ЕДБ, адреса);
    • Основа за ДДВ посебно за промет оданочив со 0%, 5%, 10% и 18% ДДВ (секоја даночна стапка би била посебна колона);
    • Пресметан ДДВ посебно за промет оданочив со 0%, 5%, 10% и 18% ДДВ (секоја даночна стапка би била посебна колона);
    • Вкупен износ на ф-ра.

Предлагаме посебен извештај да може да се извади за влезните и за излезните фактури и останати документи генерирани преку системот во предметниот период.

Комората стои на располагање за понатамошни консултации околу овој извештај.

Сметаме дека ова треба да е една од главните функционалности на системот, без која се губи добар дел од смислата на постоење на истиот.

СЛИЧНИ СТАТИИПОВЕЌЕ ОД АВТОРОТ